DA PICOI 1993-11-15
Go sentio ‘na canson ala radio: ghe gèra uno che voeva tornar picenin.
Anca mi, anca mi! Me par de sentir dir da tute e parti. Che belo che saria, vero!?!
Anca mi vogio tornar picenina! co me mama, el papà, e anca co la scuola, pur co tuta la me paura per i profesori, i compiti e le interogasion. Pensandoghe adesso… che belo che gera! I compagni, la strada fata de corsa per no rivar tardi, e po su, tuti imuciai a spentonarse su per e scale. No, no ti pensavi minga che qualche d’un podesse cascar.
E quei profesori sempre col muso duro, adesso i me par perfin bèi a confronto co quei botegheri che i te serve sensa gnanca vardarte come se i fusse lori a farte un grosso piassèr dandote la roba che ti ti paghi a peso d’oro. A quei dei sportei dei ufici publici, o pèso ancora!!! quei de le tasse!!! E no parlemo de dotori e profesori che i te parla in ostrogoto stando in pie sora un scano!
Noooo… vogio tornar piceninaaa……
Vogio corer ancora su e xo per i ponti, specie quei co i scaini larghi, che pareva de no riusir più a fermarse. Vogio sigar “mama” co tuto el fià che go in gola perchè la vegna sul balcon e la me buta xo sinquanta ire per el pan co la ciocolatina, e co el resto poderme comprar tante caremele e ‘na iguerisia.
No vogio più aver i problemi de la casa, del marìo, dei fioi; de cossa che farò stasera da magnar e dele fature che per scriver go lasà indrio.
Vogio andar in giro a veder e vetrine de xogatoi e de roba bela, e sperar che Babbo Natale o la Befana i me i porta. No me interessa se sò benissimo che no i ghe xe davero e che la mama no pol torme tuto quelo che vogio… quando che ti xe picenina ti xe ancora bona de creder che i sogni prima o dopo i possa averarse.
DA PICCOLI
Ho sentito una canzone alla radio: c’era uno che voleva tornare piccolo.
Anche io, anche io! Mi sembra di sentire da tutte le parti. Che bello sarebbe vero?
Anche io voglio tornare piccolina! con la mia mamma, il papà, e anche con la scuola, pure con tutta la mia paura per i professori, i compiti e le interrogazioni. Pensandoci adesso… che bello era! I compagni, la strada fatta di corsa per non arrivare tardi, e poi su, tutti ammucchiati a spingerci su per le scale. No, non pensavi che qualcuno potesse cadere.
E quei professori sempre con il muso duro, adesso mi sembrano perfino belli a confronto con quei bottegai che ti servono senza nemmeno guardarti, come se fossero loro a farti un grosso favore dandoti le cose che tu paghi a peso d’oro. A quelli degli uffici pubblici, o peggio ancora!!! a quelli delle tasse!!! E non parliamo dei dottori e professori che ti parlano in ostrogoto stando in piedi sopra uno scanno!
Noooo… voglio tornar piccolinaaa……
Voglio correre ancora su e giù per i ponti, specie quelli con i gradini larghi, che pareva di non riuscire più a fermarsi.
Voglio gridare “mamma” con tutto il fiato che ho in gola perché venga sul bacone e mi butti giù cinquanta lire per il pane con la cioccolatina, e con il resto potermi comperare tante caramelle e una liquerizia.
Non voglio più avere i problemi della casa, del marito, dei figli; di cosa farò questa sera da mangiare e delle faccende, che per scrivere ho tralasciato.
Voglio andare in giro a vedere le vetrine di giocattoli e di cose belle, e sperare che Babbo Natale o la Befana me li porti. Non mi interessa se so benissimo che non ci sono davvero e che la mamma non può darmi tutto quello che voglio … quando sei piccola sei ancora capace di credere che i sogni prima o poi possano avverarsi.
Commenti recenti