Su la riva

SU LA RIVA                                             15-4-1996

Me sporso su la riva de ‘l canal
e el me riflesso su l’aqua
xe solo un peton de colori
che se missia
co quei del cielo
e de le nuvole che ghe nua dentro;
col maron
de i muri de la vecia casa,
co el bianco
de le colonine del pergolo,
dove el rosso de i geranei
siga alegro a la nova stagion del sol.
Passa ‘na gondola
e i me colori se miscola co i sui.
Dopo,
la so scia, rimiscola tuto ancora de più.

Colori de Venessia,
mace de vita sul pelo de l’aqua

SULLA RIVA

Mi sporgo sulla riva del canale
e il mio riflesso sull’acqua
è solo una macchia di colori
che si miscola
con quelli del cielo
e delle nuvole che ci nuotano dentro;
col marrone
dei muri della vecchia casa,
con il bianco
delle colonnine del pergolo,
dove il rosso dei geranei
grida allegro alla nuova stagione del sole.
Passa una gondola
e i miei colori si confondono con i suoi.
Dopo,
la sua scia,
rimiscola tutto ancora di più.
Colori di Venezia,
macchie di vitasul pelo dell’acqua