Zenaro

ZENARO                                                      13-10-1997

‘Na bela fiama
che campegia in meso,
do egni soto
che ghe permete de esister,
sora tre favile di neve
che par tre steete:
el stema de la famegia Zenaro,
la mia!
Zenaro xe el primo mese de l’ano…
mi so nata in febraro.
Zenaro fa rima co tabaro
che se el xe solo scrito no scalda;
fa rima co somaro
che, anca se solo dito,
xe come che me sento.
Fa rima anca co danaro
che anca se i ciamemo schei
no ghe ne go gnanca de quei
Basta cussì, semo ancora in agosto
che riesso a rimar co:
“poesia”, in sta pagina per ti,
no ghe xe posto